Mümliswil in d'Limmere gloffe. Dr Fasnachtsafang dä isch glückt…
(Do no ä Hampflä Sprüchli, ä Querschnitt vo Vergangenem – Hilaristimmig mit dä iheimischä Clique Mümliswil und im Guldentaler Fasnachtskomitee GFK)
Liebi Fasnächtler, Obernarr Heinz III, Oberchessler Rolf I,
Örgeliknakker und Gligge griezi mitenand,
allne gib i jetz nid d‘Hand.
I bi dr Moritz, das isch kei Witz,
i bi e Maa vom GFK und ha d'Ehr bi euch e Vortrag zha.
Nei ich will euch doch nur begriesse,
mir wei zäme dä Hilari richtig gniesse.
Mit de Örgeliknacker und de Gligge,
singe, tanze, hingere ligge.
Äs Zebra wiä GFK Fraue – gstreift,
isch villicht no nit so usgreift.
Es treid nun ämol vieli Streife,
und cha das nid ganz bergreife.
Erst als sie gseht, d‘Fussgänger – benütze,
begrift si jetz - Zebrastreife schütze,
und nämme sich nun wichtig, so isch’s richtig.
Im Name vom Guldätaler Fasnachtskomitee,
wünschä mir Euch ä schöne Obe, hüt Zobe,
und vill Vergnüge…
Sujet: Dschungelpark
Clique: Begrüssung GFK - Guldentaler Fasnachtskomitee
Sid über 40 Johr, seit dr Spatz,
es hett bi Jung und Alt ä feste Platz.
Ä magische Moment, das alli liebä,
was isch denn das, äs Gaumävergnüegä.
Machet’s jetz guet bim Spurä,
Tam, Tam, Tam, Tam, Tamboure.
Sujet: Tam-Tam
Clique: Tambouren
Es brodelt und blubbert und zischt,
jetzt het’s nid nur d‘Schwiiz erwischt.
Tuusig Kilometer überem Globus, dänk,
s’isch vorbi - jetz losmer Lobiseitüüfle, Schnitzelbänk.
Sujet: Vulkan Eyjafjallajökull, Island
Clique: Lobiseitüüfle
S‘gitt lediglich Ries und Bohne,
für was söll sich das denn lohne.
Kakerlaken, Wasserspinne, Ratte und so ähnlich,
D’RTL Promis, Dschungelcamp, diä sie erbärmlich.
Heinz und Heinz, das macht doch zweu, jojo,
Dr Scheriff Heinz II, vodr Prärie isch cho,
s’Fasnacht‘s-Zepter, dä Bäse, will er abgeh,
dr Dschungelwärter Heinz III – er duet in überneh.
Sujet: Besenübergabe Guldentaler Fasnacht
Obernarre: Heinz II und Heinz III
Zucker, Kakao, Likör und Butter -
mä gset scho vo usse, seit Mutter.
Drey Stück liggä dr nebe,
und zweu uffänander, drey i dr Breiti,
und feuf i dr Lengi, ebe.
Das ergit 30ig Einzelni -
nimmt si denn ins Muul no,
und losst si langsam zergo.
Chunsch jetz uffä Gschmack - Lolita,
äs Potpourri mit dä MON - uns Rita.
Sujet: Mon Chéri
Clique: MON – Mümliswiler Obernarren
Villi glaube allerlei Mist,
Und schwöre ab, dä Jesus Christ.
Im Färnseh gseht me ihn tagtäglich -
Zauberä, äs isch doch so vo chläglich.
Potz Blitz und Kröte - ii,
Isch d‘Zyt denn scho vorbii?
S‘het gschlage 10, dr Spuck isch us,
D’Häxe si jetzte do im Huus.
Sujet: Mike Shiva
Clique: Häxe
Bildband, Breitband, Dachverband,
Kühlband, Einband, Energieband.
Fliessband, Armband, Zielband,
und nüt hett me in dr Hand
Nach so langer Zyt, alles isch betroffe
Millionä Läbe koschtet, alles versoffä!
S‘isch z’vill gsi, kei so Katastrophe mehr,
Steelband mit irnä Fässer müessä her.
Sujet: Öl-Katastrophe im Golf von Mexiko
Clique: Steelband Kanofetti
S’Hilari Programm isch jetz am Änd,
drum nämnet s’Portmonee in d’Händ,
Machet gwind dr Chlütter füre,
was jetzte gisch, muesch mümm verstüre.
Mir hoffe es hätt allne gfalle,
die drochni Lälle cha numme no lalle.
D’Örgeliknakker heize jetze ine, tobe
vill Vergnügä, no ä unterhaltsamä Obe,
chömmet denne guet hei, aber war,
mir träffe eus no an dr 9er-Bar.
Sujet: Schluss vom Hilari-Programm
Clique, Club und d’Musik: GFK, 9er-Club, Oergeliknakker
Herzliche Dank auch an: Gasthof Limmernschlucht, Wirt und Personal
!!!
Im Kreuz z'Mümliswil; 
